phir usi rahguzar par shayad

پھر اسی رہ گزار پر شاید
ہم کبھی مل سکیں مگر شاید

جن کے ہم منتظر رہے ان کو
مل گئے اور ہم سفر شاید

جان پہچان سے بھی کیا ہوگا
پھر بھی اے دوست غور کر شاید

اجنبیت کی دھند چھٹ جائے
چمک اٹھے تری نظر شاید

زندگی بھر لہو رلائے گی
یاد یاران بے خبر شاید

جو بھی بچھڑے وہ کب ملے ہیں فرازؔ
پھر بھی تو انتظار کر شاید

phir usi rahguzar par shayad
hum kabhi mil saken magar shayad

jin ke hum muntazir rahe un ko
mil gae aur ham-safar shayad

jaan-pahchan se bhi kya hoga
phir bhi ai dost ghaur kar shayad

ajnabiyyat ki dhund chhaT jae
chamak uTThe teri nazar shayad

zindagi bhar lahu rulaegi
yaad-e-yaran-e-be-KHabar shayad

jo bhi bichhDe wo kab mile hain 'faraaz'
phir bhi tu intizar kar shayad

फिर उसी रहगुज़ार पर शायद
हम कभी मिल सकें मगर शायद

जिन के हम मुंतज़िर रहे उन को
मिल गए और हम-सफ़र शायद

जान-पहचान से भी क्या होगा
फिर भी ऐ दोस्त ग़ौर कर शायद

अज्नबिय्यत की धुँद छट जाए
चमक उठ्ठे तिरी नज़र शायद

ज़िंदगी भर लहू रुलाएगी
याद-ए-यारान-ए-बे-ख़बर शायद

जो भी बिछड़े वो कब मिले हैं 'फ़राज़'
फिर भी तू इंतिज़ार कर शायद